شُفت خطوط أشكال والوانبس ما شُفتش خَط الفقر
نُص الشَّعب لقيته جعان
وبقيته بيشكي م القهر
وفساد ف بيوت الأعيان
وحرامي عنيه زي الصَّقر
ومرتَّب شحَّات غلبان
يخلص يوم إتنين في الشَّهر
وشباب عاطل فقري كمان
نفسه يحوِّش تمن المهر
نفسه يحس ف بلده أمان
ولا تحوجه ولا غربة وهجر
ويوماتي حكومة ببيان
شعبي حبيبي يُأمر أمر
نتبرع لبلدنا عشان
نبني لكُل مواطن قَبر
ف بلدنا أحراش وغيلان
تمنع حتي طلوع الفجر
وبتنشب ف قلوبنا نيران
ولا قادرين علي حتي الصبر
وعشان نعدل أي ميزان
ماتكفينا سنين الدهر
إمتي يحن علينا زمان
لجل ما نُعبُر خَط الفقر..؟
***
ليست هناك تعليقات:
إرسال تعليق